ذكريات
فاكر زمان الذكريات
تعالى نفتح الألبومات
هنا ضحكنا وهنا مشينا
هنا حضن كفوف إيدينا
هنا إتصورنا على النيل
وكانت بتميل النسمه لينا
وكانت أحلامنا جوه عنينا
ورود بتفتح من حولينا
وهنا عند الأهرامات
ابو الهول شاهد علينا
لما إتصور من سكات
وهو سعيد بالضحكات
كأنه حي معانا م مات
شوفه فرحان معانا إزاي
ماكنش لسه فيه أزمات
ولا تسعيره للأمنيات
ولا أوجاع داخلها ٱهات
ولا غلاء ولا إبتلاءات
ولا معاكسه لكتير بنات
كانت ناقصه كمان كورونا
جايه تكمل ع اللي فات
الحلو فات والمر آت
وهتختلط الذكريات
ياللا نقفل الألبومات
نفضها سيره من الحيره
نسأل الله لينا الثبات
يمكن دي آيه م الآيات
حبيبي نام ف عيني بات
وكمل معايا الجايات
عبي الفرحه إملى عنيه
أنا عايزاك بعد الدنيا
تبقى ويايا ف الجنات
يوسف أبو زينه
ليست هناك تعليقات:
إرسال تعليق