شايب موجوع ومتخمّر
هايم في الشّارع يـتذمّر
قْتلـو يا شـيخي أشـبيك
مشرجي مشحون ومتعمّر
قْلـــي انــا أديـب قْـديـم
من عهد الحامي المستعمر
معـاصـر بورقْيبة والـزّيـن
و مناصر سـبعـة نــوفمـبر
وجـونا زوز سبـاع بغــيـم
ريح صرصر وعجاج مدمّر
لا خـلّـو الـبارك لا الـحـارك
و لا سلم مـبارك لا مـعـمّـر
قْتلـو يا شـيخـي ثــورات
يطول مداهـا ضحّي وأصبر
لازم تـتـعـدّى الـغصـرات
وتضوى الدّنيا الشّمس تنوّر
أحـجـرني بسبعه حـجـرات
وهـو يعيّط برّا زمّر برّا زمّر
ولّيـّـت و سـكّـرت الشّـات
نـلـوّج في شاعر متحضّز
لقْيت شاعـر ماهر زبـراط
راسا كاسح وعودا اخضر
قومي ومـا تـهمّـو نعـرات
جريدي متأصّل مـتجـذّر
فـنّــان و راسـم نـحّــات
من طينة شاعرنا الأكبر
مشعّل في الشّيشه جمرات
مرّا يشـيّش ومـرّه يـبخّـر
بنفـش حـال تــونس بثـبًات
ثـاير مـغـوار و متـدّسـتـر....
08 ـــ 02 ــــ 2021
بقلمي فتحي بن عربية
إلى من يهمّه الامر أستاذي الغالي
ليست هناك تعليقات:
إرسال تعليق