ما أصعب الغربة !غنائية
بريشتي خالدالعيسى الصوافطة
ما أصعب الغربة ياسامعيني
وما أطول أيامها ولياليها!
مفارق الأحباب ماظل حدا يواسيني
ومين يخفف هموم القلب ويخفيها ؟
ويارب من دفتر النكبات تمحيني
وتكتبني قصة شعب تفرح قلب قاريها
حماك الله ياشعب فلسطين أنت عريني
ويارب نعود ليافا حيفا وتعود السفن لمراسيها
وتعود البلابل وترقص في بساتيني
وتعود الحياة لقدسنا برجعة الغياب تنعشها وتحييها
ولفلسطين أعزف أجمل تلاحيني
وباقات النصر دوم أهديها
غربتنا طالت وياناس يكفيني
متى يعود طير الشوق ولبلادنا ييجيها ؟
ياخالق الأكوان أكواب النصر تسقيني
وتشفيني من أمراض الغربة وأهوال من الغربة أعانيها
وتفرح قدسي ويفرح معاها زيتوني وتيني
ورايات المجد ترفرف في أعاليها
وتهزم أقوام كانت كل حين تعاديني
وتجعل ديارهم خراب وتقلبها عاليها واطيها
ويارب مين غيرك يقدر من كيد العدا يحميني
ويعيد أفراحنا وترحل عتمة لياليها ؟
خالد العيسى الصوافطة فلسطين
ليست هناك تعليقات:
إرسال تعليق