على الأشواك ،،،، بقلم الشاعر/رضا أبو شنب

علي الاشواك
مشاني زماني
جمعت كل الورود
ووضعتها في بستاني
الاحمر لوعني
الاصفر غار عليا
الاخضرخلا
قلبي بيعاني
سقيت كل الزهور
ولما كبرو اخدهم
غيري وشوكهم
وجعني واذاني
حبيت كتير
ولما انخدع
ارجع احب
من تاني
كل ما احب انسانه
تقولي انت قلبي
ووجداني
وبعد فترة تخون
وتقول عفوا
شوف لك حبيب
تاني
قررت ابعد عن
كل النساء وانساهم
لأجل الحزن ينساني
صاحبت راجل
وكنت فاكره جدع
طلع ندل واناني
اعطاني قيراط
من الرجوله
واخد مني فداني
كنت فاكره جدع
ولما غدر رجع
لطبيعته من تاني
وكنت عايز اعيش
كما تريد نفسي
لاقيت نفسي معنداني
فضلت ابص واستغرب
هو انتي نفسي
ولا شئ تاني
ليه يانفسي بتعاندي
وتعيشيني كما يريد
زماني
قالت قسمه ومكتوب
انك تمشي علي
الاشواك من تاني
.....
رضا ابو شنب
المنصورة/ميت غمر
١١/١/٢٠١٨