#أوقات_كتير
واوقات كتير يغلب عليك طابع الألم
وكأن روحك باكية دم .
واشمعنى يعنى نهار خيالك يعندك
تصرخ تنادى فدمعتك تقلبها غم ؟
يمكن تكون حُر ومدان ؟
جايز عشان قلبك ميدان
مطلوب تملي يكون عدم .
يمكن زناد دمك حريق
ع السر كان داري وغريق ؟
اوعاك تكون من غير صديق
يشرب معاك كاس الحِمَمْ ..
اعقل يا عم ..
اعقل يا عم
امسك ايدين اللي انجرح
طبطب عليه
امسح دموع اللي انكتب
الغلب ليه .
وارجع ورا هات همتك
واهتف بخامس سرعتك
ملعون يا هم
#بهاء_اللبودى
ليست هناك تعليقات:
إرسال تعليق