(الدخلة المرة ) بقلم صبري خماري

(الدخلة المرة)

ليلة عرسها عطاتو بظهرها
يخسايبها من الحشمة
كلمها حب يشوف منظرها
يلقى في صدرها وشمة
بكات هي على زهرها
حبيبها الأول خلالها في بدنها رشمة
جا يشوف يلقاها حبلى في شهرها
بكا على السعد و ماتت البسمة
خافت لايخرجها و الحكاية يشهرها
و يذبحوها أهلها و تمشي بالشرع و القسمة

قالتلو لا تفضحني و حكاية ماكنتش نتصورها
و يعلم بيا كان ربي
أميمتي تهنات عليا لا نحب نحيرها
حبيت الساقط و شنوة ذنبي
حط إيدو على شعرها
و قاللها ماتخافش مادامك جنبي
إنت ولية و الولية من طبعي نسترها
هكة رباتني أمي و يسموني المتربي
يا بنت الناس لا تخاف و دمعة عينك لا تخسرها
حكايتك ماتت في قلبي

(صبري خماري)