القلب الْمَكْوِي...
بكي ؤُ زيد بكي
يا القلب الْمَكْوي
داك لّي حْسَبْتيه خليل
رْمَاك رَمْيَة
بْلا ما يْدْوي
خَلًّاكْ بالنهار هايم
وليلك ما هو ليل
طار نعاسك
تَهْضَرْ وحدك
تْحَاجي ؤُ تْفَكْ
دايْعْ كِي لَهْبيل
فيق ؤُ عيق
فرق بين
لعدو ؤ الصديق
هادي دِّيرْ ليك الراس
ماشي فْمَنْ وَالَا تِّيق ...
الناس معادن
كاين الغالي
ؤُ كاين الرخيص
ما يَسْوَى وَالُو فْالسُّوق
حميد النكادي 19\9\2020فرنسا
ليست هناك تعليقات:
إرسال تعليق