ضاع الحب
---------------
حبيتها من كل قلبي
و كانت كل هنايا
وعدتني تقف جنبي
و تكمل المشوار معايا
رعيتها في بستان حبي
و بقت أجمل الصبايا
وعدتها تكون عشقي
و تلف الكون ويايا
حلفت لي تكون ورايا
سافرت و رحت شغلي
وودعتها بحزني و بكايا
لما رجعت لقتني لوحدي
و الحبيبة مش معايا
رحتي فين يا عمرى
يا حبى و كل هنايا
أنا وفيت بوعدي
و الفلوس آهي معايا
نبنى عشك و عشى
يا جرحى و دوايا
رحتي فين يا عشقي
يا حبي و منايا
عرفت إنها باعت حبي
باعته بشوية هدايا
و دبلت زهرة عمرى
بين حزني و أسايا
و طغى علىّ ضعفي
و انطفت شمعة رجايا
آه و آه و آه يا مرى
ضاع قلبي و هوايا
بقلم // أسامة الحكيم - مصر
ليست هناك تعليقات:
إرسال تعليق