مرات ينبع خاطري بقلم محمد طه العمامي

مرات ينبع خاطري بحنية
ومرات يقسى وياخذه الطوفان
ومرات باشعاري اندز تحية
ومرات نهجي موش في الحسبان
ومرات نفسي تكون قوية
ومرات نحس بحالتي تعبان
ومرات نعجز في الي نكتبه بيدية
إحساسي الي ساكن مع الوجدان
ومرات كلماتي تكون سخية
تخلي اللي في القلب ليك يبان
ومرات نبعث بالأشعار هدية
ومرات ياخاطر تظيق عليا وكيف السماء واسع تجيك احيان
وسعت نتظايق وشيء ما بيا
ومرات يدعى خاطري فرحان
ومرات نتذوق مرار المية
محمد طه العمامي