خدعة الاحلام بقلم جمال نصير

خدعة الأحلام
............
وإحنا لسه فى الطفولة..
كنا بنقول لما نكبر..
راح نحقق كل أحلام الطفولة...
ف الشباب
فات شبابنا ....وانشغلنا....
حتى عن تحقيق أمالنا...!!
قلنا عادى .... لسه برضه العمر جاى
لما  نكبر...
نبقى رجالة..وشِياب
راح نحقق كل أحلامنا القديمة
م الطفولة ..حتى أخر لحظة م العمر ال شاب...
بس كل العمر عدى
زى فص الملح ... داب
وانتهى حلم السراب
وال باقي من حياتنا...
كان يادوب...هو العذاب
*****
#جمال_نصير