خيالك طاف ،،،،،،، للشاعر//// عز الدين الحميري

خيالك هالساعة طاف:
ياشبيه حضورك وغيابك بسنين العجاف
مرة يابسات وقاحلة ومرة يرويها شلالي
هذا الحال لاهو صوت ينسمع ولا ينشاف
غير من هله وشبيه قمر العيد بذيك الليالي
يهف احساسي ويتمايل مثل ورق الصفصاف
وأهيم بشعور يوصف باللي داخلي وببالي
ياترى هذا اللي يجري عندي عدل وانصاف
بوح ينتابني لوحدي ومجلسي منك خالي
برد آخر الليل وسواده خيم علي وضاف
همس بسكات ماله ونه بس صوته عالي
ياريم قلبي وروحي تعالي هالساعة طاف
خيالك بجوي وعيني عالسما تناظر الهلالي
شبيه الوصف عندي كنه غريب اشتاق وعاف
خيرات وسعادة لأجل يداني كل حبيب وغالي
معذور في بوحي والمعاني لك فيها اختلاف
جدول حروفي يسير بثقة ومايه صافي وزلالي
ناوب هالليلة وكل ليلة منك شحن واسعاف
لنبض قلبي وشرياني وتظل ذخر وراسمالي
البال متطمن صوبك ولاعمره تعب وخاف
ثقة مزروعة بالحشا لك ومن غيرك مايبالي
شوق يدق قلبي كنه رضيع لأمه شاف
يطلب حضنها ودفاها وضمة تلفه بالشالي
ماتعودت يكون همسي باهت ولا هو جاف
يتلون احساسك منه ويخضر جوك الخالي
           @عزالدين الحميري@