🌹حديث الصمت🌹
جوه الصمت في معاني
كتير تتفهم
وفي كلام كتير بيخبي
جواه اسرار
من ورا الف باب بيمر الإحساس
من بين قضبان وراها اتسجن
ويعيش ويسكن في القلب
ويكون له دار
بنخبي جوه سكاتنا كلام جميل يتعاش
وساعات يجي يخرج على اللسان
نخاف انه بالغلط يتفهم
ويجي يخرج على السان يتحاش
طيب لو حسه هيصدقه
ويصدق حنين في القلب
اتولد وعاش
ساعات الكلمه بتكون عايزه تخرج
وتخاف وترجع لاتقابل صد
بس في القلب مكانها بيجرح
وتكون عايزه قلب يصد
لكن اللي في القلب في القلب
لو حتى كان قدامه مليون سد
بقلمي / هاني غريب
ليست هناك تعليقات:
إرسال تعليق