يــــوم العــيد
----------------------------------.
كل الناس بتهني تبارك
واللي معاه حبيب بيشارك
يمسح دمعه
ويسعد قلبه
ويقضي معاه العمر سعيد
يريح باله
ويرحم حاله
يوم لقياكي دا يوم العيد
يوم العيد
----------------.
اصعب حاجة تكون وحداني
ومن الأشواق والحب تعاني
كل العالم بيهنيك
وانت بفكرك عنه شريد
معقول يبقى هو بعيد
وانت تعيش أيام العيد
كل العالم عني غريب
وأنت ياقلبى أغلى حبيب
وحبك هو دا يوم العيد
يوم العيد
----------------,
منى حياتي أذاي أرضيكي
قلبي وعقلي ملك أيديكي
مهما هجرتي في يوم وبعدتي
وطنك قلبي
فيه اراضيكي
فات العمر فراق وخصام
والقلب محتاج لحنان
مشتاق ليكي
سألني عليكي
عاش وياكي احلى ايام
بس ليه العند دا فيكي
اسمعي قلبي ينادي عليكي
ايوه منايا اني ارضيكي
بس تعالي وقولي سماح
وانا راح انسا أي جراح
واشعر اني شخص جديد
اصل منايا في يوم العيد
يوم العيد
---------------------.
شعر/ محمد توفيق
مصر-بورسعيد
ليست هناك تعليقات:
إرسال تعليق