عاشق وطن
كل عاشق يغازل حبيب
وأنا بلادي هي الحبيبة
هي نبضي و مني قريبة
هي دوايا و هي الطبيبة
نزلت دموعي عليها سكيبة
كل يوم نسمع فيها غريبة
بلادي تفوح مثل الزهرة
فنها وتاريخها ليها شهرة
بحرها و جبالها سحر و وهرة
وخذات زينة من نخيل الصحراء
ياحيف علي عطاها بظهره
وكل خاين فيها يلڨى نحره
نوجه كلامي للساسة
والناس اللي عليهم عساسة
واللي خان مات إحساسه
حب الوطن قداسة
ماهو كذب ماهو نجاسة
حب الوطن غريزة ماهو دراسة
تونس وطن و تبڨى وطن
رغم الوجيعة رغم الحزن
تونس وطن و تبڨى وطن
رغم المكايد رغم المحن
بلادي جنة ماهي سجن
وكل غريب ليها يحن
تونس نشيد سمح اللحن
مايفرڨ بينا غير الكفن
بقلم :ماهر الزياني
ليست هناك تعليقات:
إرسال تعليق