حقيقة:
هذي حقيقة دوم ولاهي طيف ومنام
تعال اسمع نبض حرفي بعرضه وطوله
ماني كاتب وشاعر ولامغني ورسام
ولاني فارس يشق الوادي وينزل سهوله
يبتدي حرفي لأجل يوصل لك سلام
ولاينتهي غير يدق نبضك وتسمع طبوله
شديت لك شوق وغلا ماتدانيها أحلام
في العام يزهر غلاك بكل أيامه وفصوله
تمر أحيان يغيب شعري ولاعندي كلام
غير شوفة ريم الغلا ولثم ترياق معسوله
كتبت هالساعة من داخل الحشا والغرام
عهد المحبة والمودة وهذا وعد الرجوله
مهرتي وعينها والحاجب تراه سهام
يصيب دلالي بجرح مايروح مني مفعوله
شبيه اللي تاه بصحرا وخيم عليه الظلام
يتبع أثر طريق العودة والنجم هو مدلوله
ضامي الوصل ريقه يابس وكنه في صيام
من تهب ساعة المغرب يرتوي ويروح خموله
علي أظل أكتب وبوحي يوصل ذيك الخيام
يتعلق شعري بحبال وعامود بيته ومنزوله
من تمسك ايده ويناظر بعينه يشده هيام
يشد صوب عيني ونبض قلبي ويطوله
همسي يالريم في سكون الليل ولا زحام
يبعد نظر عينك عنه وتظل تدانيه بحلوله
يتشابه فوح كلامي مع الورد وياسمين الشام
عبق مستمر وجمال صعب ينساه من ينوله
حلق احساسي بالسما وصار فوق الغمام
الجو جوه والأرض تحتويه بساعة وصوله
قلب صافي لونه شبيه الغيم وبيض الحمام
هبة من الله والصلاة على النبي الهادي رسوله
هذا ختام كلامي ويظل لمهرتي شوق ووئام
صبح ومسا ومع نسيم الوقت كل عام وحوله
@عزالدين الحميري@
ليست هناك تعليقات:
إرسال تعليق