فكرى
-----------
فكرى ولو إنى شايف
صعب يوم تتغيرى
الحب فيه أخد وعطا
وإنتى عاوزة تسيطرى
فكرى
جايز كلامى تفهميه
ومشاعرى ليكى تقدرى
فكرى
-------------
مركبنا ليها مجدافين
وعشان تعوم لازم إيدين
بيد واحدة الموج ياخدنا
لشطوط غريبه عارفه لفين؟
فكرى
---------------
كنت فاكرك حضن دافى
بلسم فى ليل الوحدة شافى
طوق النجاة فى إيدين غريق
وف دنيتى صاحب ، رفيق
تتصورى ما كانشى كافى
فكرى
----------------
محمد عبد المنصف
ليست هناك تعليقات:
إرسال تعليق