كوكب تاني ،،،،، للشاعر/محمود صلاح السيد

((( كوكب تانى )))
كهربا بنزين وسولار
والجو مولع نار
هنلاقى ميه نطفى
لحين  آخر أشعار
هنعيش على قوائم الإنتظار
تثبيت كتاف ع الأرض
وبراءة أنتحار
الكل أنكوى بالنار
حولنا الدنيا تشعلل
عاصفه وقلبت أعصار
زلزلت البيت من جدره
لاخلت سقف ولاحيطان
محروق يا ناس وأحترت
أركب حنطور وحمار
أومركب وسط الميه
وأعيش زى القرصان
وأغمس العيش بخيار
من غير لحمه وكفيار
العيشه صعبه عليا
ولسا جشع التجار
أنا رايح كوكب تانى
مفهوش لف ودوران
محسوبه علينا عيشه
نتكرع  مر وصبار
لوبره أكيد محسود
ومحلوب زى الأبقار
مظلوم وكاتم أسرار
ومحدش يصدق أنك
مطحون ليل ويا نهار
غريب والغربه مرار
ولوجوه هيموت ويطلع بره
مفكر هيعيش سلطان
هيشكى ويقول يامرارى
يا ناس العقل أحتار
وبيبحث عن الإستقرار
محبوس والحبسه طالت
تجديد مع الإستمرار
أختيارصعب ياأنسان
هتعيش فى كوكب تانى
م الحال هو الحال  وعجبى !!
كلمات/محمود صلاح السيد
١٨/٦/٢٠١٨