لوكان سكوتك سر موتك ،،،،،،، للشاعرة//// حنان أحمد

لوكان سكوتك سر موتك
والدموع كانت جواب
ليه غيرت طبعك وبدلت حبك
من غير اسباب
لو تقول ايه غيرك مني
كنت من الاول اقفل الباب
مش هاتفضل تبعد عني
قبل مايبقي بنا حساب
لو تعرف قلبك ظالمني
وطبعك في الهوي غلاب
كنت استني لحظه وبلاش تسيبني
وتزود في قلبي نار و عذاب
انا ياحبيبي كنت بتمناك جنبي
لكن مكتبولي نهايتي ضباب
ومش مفهوم بعدك عني
تقفل مابنا كل حيطة من وراها باب
ولا عارف انك يوم ناوي تسيبني
انا مافكرتش في لحظه انك كداب
اتاريك زي الموج العالي بحره يلاعبني
وانا بغرق مش لاقية سند كله داب
لو كان سكوتك سر موتك
طب قولي ايه الاسباب
قبل ماربيع العمر يفوتك
تعالي واسبق وبلاش عتاب
.........كلمات حنان احمد