الأنوثه مش مجرد حبة أحمر ع الشفايف
الأنوثه مش في إنك تهوسي عقل ال شايف
الأنوثه نعمه غاليه ربنا إداها ليكي
وبإيديكي تحفظيها أو تضيع من بين إيديكي
كل شئ في الدنيا لما بيداروه بيزيد جمال
والعفاف للبنت يغلب أي شكل وأي مال
هو أحسن من عيونهم تاخدي نظرة إحترام
ولا تاخدي سهم جارح إسمه نظرات الحرام
الزهور بتكون جميله طول ما لسه الشوك حاميها
بس لو يوم شوكها سابها ألف إيد تتمد ليها
هو أحسن ترضي ربك ولا ترضي الناس بحالها
هو إيه للبنت يشفع شكلها ولا عملها
دا الجمال في الجسم زايل هو قبلك دام لمين
والجمال في الروح بيفضل مهما بتعدي السنين
سيرة البنت العفيفه هي أحسن شئ يدوم
حبرها مكتوب بدينها مش بمكياج أو هدوم
٠٠بقلمي / أم شريف٠سهير إبراهيم
ليست هناك تعليقات:
إرسال تعليق